Taguri

        Taguri

taguri ilan atig nnes

ur tt iri yan

tusi iyi tega asellab inu

nettat ad ufigh ur a iyi trara

ur iyi tegi gh tzêlmadîn

inna gh sawelgh amunt

tusi iyi kigan



i gh ur nettâf ameddakwel

nettat a tt igan

i gh akw nettâf ameddakkwel

ur a ssar afin
taguri tega tagudî
tusi tent ukan .



tfessa zund

igh mnaggaren izenzâm awal

tega zund

amezzûgh idêrdâr igh usin

awal ar t ttemniden gh tillas ngaran

ur ssinn kigan

ighal kiwan aghal nnes



tsker ma wer uremn medden

ur jji t rzîn

gh illi gh ur yufi yizem

a yesker agharas

a ttut izri herbub

acku issen i wawal

taguri agh ra ed mnaggaren

willi en ur ntam

nettat ar ad ssudugh

azemz nnes ay ad

nettat ar ad nessudu

azemz nnes a yad



ALI SIDQI AZAYKU Rrebat 30/9/1978 ssegh "Timi tar"