tamdyazt n ali chouhad

Tugga n wul

Taddagt lli yugrn tilli t iwalan
Takuf s ufus idusn ar tent lkmx
Laud lqmari ghida gh t ismghi wakal
Akud nna jedrn ig aggu hera nssen is ilul
Hayyi gh imriri n leaql a nkcem s agns
Imma azayku sul idder hra nssen is ilul
Ur a qqaygh infcaden n yan igh ur immut
Nenmaggard ayyi tmedelm kigh nnigh immut
Aglif amghar iffugh iksa macc nnan is iffugh
Imudan han gh taddart asafar nnun
Rakknt neghez a tugga gh ixfawn n ifrxan
Imazighen ar amadal kullut ayyisan
Is iga ali yad iddan yan ur illi wayy
Ikrm irgha gan lain ar akkan aman
Gan ighbula kigan macc nettan immim
Tamazight add izuzzur ghmklli watay
Awal nes iga tudret da gh ssan waman
Imikk imikk gh kigan ka fellasn ssengh
Nnan agh fellas meddn kra gh ssifat nes
Iqqur irgha zund uzzal macc irat ufus
Mamnka ratt yagi lligh ar xellun asulil
Iga izem n wawal iddren yusin lqwrtas
Ittaf udem yaden da yek ur nnigh nekkin
Amzruy n umazigh isfawten ar aman
Imlayaghtid uzmz ikks it atten nissan
S uggar n meklli ten tra tudert att tra lixert
Amghnas zund ali ddern ur ar ittmetat
Azazu ne sur as idrk wakal att asin
Irzm as ned lbiban n ammas nwammas
Rzmen as tiggura ad ikcem gh tanna ran
Dadda ali sidi zzin itmma wawal
Yusin ajjig s uzelmad afasiy lqwrtas
Izd ad nemmagh d lmqadir nara walli righ
Add nerar zund ali azayku mani gh llan
Irbbamt ayid taba xetilli ttarunin
Aammus her babuc
Attarumt id ali ggutnin meraw i yat
Awr imil zund ali azayku ad sul ilal
Ar ffrengh awal igguten aylligh ifren
Ar nettals i tugga da ur ictta wakal
Nerdeld ils n bu draa a lmut lligh am inn
U llah a lmut mera darm illa kra warraw
Ad nedalb i rebbi ad amt awin ad tessnt
Tagudi ila uhbib igh ten tiwit i yan

              Ali chouhad
Agadir 04/10/2004